“KETTIK STUDY” Польша Университетінің өкілдерімен кездесу

Мектебімізде кәсіптік бағдар беру жұмысы аясында “KETTIK STUDY” Польша Университетінің өкілдерімен кездесу ұйымдастырылды. Іс-шараның басты мақсаты – оқушыларға мамандық таңдауда бағыт-бағдар беру, шетелдік жоғары оқу орындары туралы ақпарат беру және олардың болашақтағы кәсіби мүмкіндіктерін кеңейтуге қолдау көрсету.

Кездесуді кәсіби бағдар беруші Баяндинова У.Д. ұйымдастырып, оқушыларға Польша университеттеріне түсу талаптары, білім беру бағдарламалары, оқу ақысы және шәкіртақылық мүмкіндіктері туралы жан-жақты ақпарат берілді. Сонымен қатар, студенттік өмір, жатақхана, виза алу процесі, академиялық қолдау жүйелері жөнінде маңызды мәліметтер айтылды.

Кездесу барысында:
🔹 Польшада білім алу мүмкіндіктері таныстырылды;
🔹 Шетелдік жоғары оқу орнына түсуге қажетті құжаттар мен талаптар түсіндірілді;
🔹 Мамандықтар мен оқу бағдарламалары туралы ақпарат берілді;
🔹 Оқушылардың сұрақтарына жауап берілді.

Іс-шара соңында оқушылар университетке түсу жолдары туралы қосымша ақпарат алды және шетелде білім алуға қызығушылық танытқан оқушылар үшін жеке кеңес ұйымдастырылды. Бұл кездесу оқушылардың болашақ мамандықтарын саналы түрде таңдауына ықпал етіп, халықаралық білім беру кеңістігіне қадам жасауға мүмкіндік берді.