"Мектепке жол" қайырымдылық акциясы өтті

Білім күні қарсаңында елімізде дәстүрлі түрде өткізіліп келе жатқан «Мектепке жол» республикалық акциясы біздің мектебімізде де өз жалғасын тапты. Акция аясында көпбалалы отбасынан шыққан бір оқушыға мектеп формасы мен қажетті кеңсе тауарлары табысталды. Осындай игі іске атсалысқан 5 “В” сыныбының ата-аналарына және қолдау көрсеткен Шолпан Рысбекқызына мектеп ұжымы атынан шын жүректен алғысымызды білдіреміз.Мектеп пен ата-аналардың бірлескен қамқорлығы – жас ұрпақтың жарқын болашағына жасалған қадам екені сөзсіз. Жаңа оқу жылы қарсаңында өткізілген «Мектепке жол» қайырымдылық акциясының негізгі мақсаты – қиын өмірлік жағдайға тап болған отбасыларға көмек көрсету, балаларды мектепке дайындау және оларға ертеңгі күнге сенімділік сыйлау.