2024-2025 оқу жылының басында мектепті 1066 оқушымен бастап 1024 оқушымен аяқтадық, оның ішінде 7 оқушы үйде оқиды, ЕБҚ -2 оқушы. Даярлық сынып 77 оқушымен аяқтады.

3 жыл ішінде білім алушылар контингентінің динамикасы

Сабақты ұзақ уақыт себепсіз босатқан оқушылар болған жоқ. Оқушылардың мектепке келуі күнделікті тексеріліп, оқушыларды түгендеу электронды журнал арқылы жүргізіліп, апта сайын қорытынды жасалынып отырды. 

2024-2025 оқу жылында сыныптар бойынша білім сапасы:

Білім сапасын бақылау және мониторинг мына бағыттар бойынша жүргізілді: әкімшілік; аралық; жыл қорытындысы; бақылау, практикалық, зертханалық жұмыстар кестесін орындау; қорытынды аттестаттау. 

Бақылаудың әр түрінің қорытындысы бойынша анықтамалар дайындалып, жұмыс кеңестері мен педагогикалық кеңестер өткізілді. Тақырыптық бақылау арқылы жеке пәндердің берілуін атап айтатын болсам жаратылыстану-математикалық бағыттағы пәндерді биология, физика, химия т.б. Пән мұғалімін жан-жақты тексеру мақсатында мұғалімдердің сабағына қатысып, талдау жасалды. 

«Жоспарлау-Орындау-Тексеру-Іске асыру» циклі бойынша жүзеге асады. Білім сапасын жоспарлау, өлшеу, талдау, анықтау, саралау және сапаны бақылап отыру мақсатында сапа сызғышын жасадық. Нақтылық үшін сапаның үш деңгейі үш түрлі түспен белгіледік. Қызыл –дағдарыс аймағы (50% дейін), сары–тұрақсыздық  аймағы 51-62%, жасыл – тұрақтылық пен өсу аймағы 63 % жоғары. Мақсат төрт бағыт бойынша дағдарыс аймағындағы сыныптарды анықтау, тұрақсыздық аймағына жеткізу, тұрақсыздық аймағындағы сыныптарды немесе пәндерді тұрақтылық пен өсу аймағына жеткізу. Үздіктер мен екпінділердің қосындысы орташа үлгерушілерден артық. 

Оқушылардың білім сапасына талдау

Соңғы 3 жылдағы білім сапасының көрсеткіші:

Оқу озаттарының саны жалпы оқушылар санының 2022-2023 о/ж 21,3%, 2023-2024 о/ж 20,4%, 2024-2025 о/ж 20%  құрады. Оқу сапасы өткен жылмен салыстырғанда 2,4 пайызға өскендігі байқалады. 

«Алтын белгі», «Үздік аттестат» иегерлері

2024-2025 оқу жылы барлық түлектер саны: 69. ҰБТ-ға қатысушылар саны-69. «Алтын белгі» иегерлері- 2, «Үздік аттестат» иегерлерлері саны-3.

9 сыныптарда -90 оқушы аяқтады. «Үздік аттестат» иегерлер саны- 5.

Білім сапасы 50%   дейін «Дағдарыс аймағы», 51-62%   «Тұрақсыздық аймағы», 63% «Тұрақтылық және өсу аймағы» деп бөліп, сыныптарға тоқсан сайын салыстырмалы мониторинг жасалды. Сыныптар бойынша салыстырмалы түрде ең жоғары білім сапасы әдеттегідей бастауыш сыныптарда 80,4%. 2ә сыныбы 89%, пән мұғалімі А.Толепбергенова, 3б сыныбы 91%, пән мұғалімі Г.Байжулданова, 4в сыныбы 90%, пән мұғалімі Ш.Абеуова білім сапасын көрсетіп отыр. 50 пайыз көрсетіп отырған сыныптар 8в, 9б. 50 пайыздан төмен білім сапасын көрсетіп отырған сыныптар жоқ. Оқу жылының басында «тұрақсыздық аймағында» тұрған сынып, пән мұғалімдері «тұрақтылық пен өсу аймағында» тұрған мұғалімдермен тәжірибе алмасты. Пән мұғалімдерінің сабақтарына қатысып, әдістемелік көмек көрсетілді және үлгерімі төмен оқушылармен жұмыс жоспарларын жасап, жұмыстар жүргізді. Бастауыш сыныптардың барлығы «Өсу аймағында».

Қорытынды: Сыныптардың білім сапасы қанағаттанарлық. Пән мұғалімдерінің сабақтарына қатысып, әдістемелік көмек көрсетіліп отырылды. Білім сапасы төмен және 4,9,11 сыныптардан тоқсан сайын жазба жұмыстары алынып, білім сапалары зерделеніп отырылды, нәтижесі ДЖО, пед кеңестерде қаралды. 

Ұсыныстар:

- Білім сапасы 50% және одан төмен сыныптармен және білім сапасы жоғары сыныптарда зерттеу сабақтарын жүргізу.

- Оқу-тәрбие үдерісі мен ұжымды тиімді басқару мақсатындағы қызметтің негізгі бағыттары «Жоспарлау» – «Ұйымдастыру» – «Бақылау және бағалау» болғандықтан жоспарлаудан бұрын зерделеп жаңа міндеттер қою, ұйымдастыру үшін бақылау бағыттары мен әдістерін таңдау, бағалау үшін нақты параметрлер, крийтерийлерді анықтау.

- Өзара сабақтарға қатысу, тәжірибе алмасу, сыныптардың пән бойынша білім сапасын тексеріп отыру, оқыту семинарларын ұйымдастыру.

- Мұғалімдер үлгерімі төмен және оқуға ынтасы төмен оқушылармен жеке жұмыс нысандарын жетілдіру; 

Бейінді оқытуды іске асыру 

    2023-2024 оқу жылынан бастап  Казақстан Республикасы «Білім туралы» 2007 жылғы 27 шілдедегі №319-ІІ Заңының 6- бабының негізінде және Қазақстан Республикасы оқу ағарту Министрінің және Абай облысы 2023 жылғы 6 мамырдағы бекіткен «2023-2029 жылдарға арналған Абай облысының білім беру жүйесін дамытудың өңірлік жол картасын» іске асыру мақсатында, «Абай облысы білім басқармасы мемлекеттік мекемесінің 2023 жылғы 31 тамыздағы №01-03/484 бұйрығы негізінде» және Абай облысы Семей қаласының білім бөлімінің 31 тамыз 2023 жылғы 01-04/655-1 бұйрығы негізінде, 31 тамыз 2023 жылғы н/к №01-06/343-1мектепішілік бұйрық шығарылып 7 «А» сыныбы бейін алды даярлық сыныбы болып ашылды. 7 «А» сыныбына математика-физика бағыты таңдалып алынды.  8 «А» сыныбын бейін алды даярлық сыныбына 4 сағат «Теңдеулер мен теңсіздіктер және олардың жүйелерін шешу» (пән мұғалімі математика пәні мұғалімі Г.Тургамбаева)   4 сағат «Физикадан эксперименттік есептер шығару» (пән мұғалімі физика пәні мұғалімі Б.Хамитова) барлығы 8 сағат берілді. 8 «А» сыныбы осы пәндер бойынша екі топқа бөлініп оқиды. 

2024-2025 оқу жылында 8 «А» сыныбында 17 оқушымен аяқтады. Жылдық қорытынды бойынша сыныптың білім сапасы 76% (3 үздік, 10 екпінді). Оқушылар мектепішілік, қалалық, облыстық іс-шараларға қатысып отырады. Нәтижесінде математика, физика және информатика пәндер бірлестігінің онкүндігінде өткен «Зерделі зияткер» атты интеллектуалды сайыста 8-сыныптар арасында II орын алды. «Цифрлық технология қазақ тілі мен әдебиеті сабағында: креативті идея, үздік нәтиже» тақырыбындағы қазақ тілі мен әдебиеті пәнінің онкүндігінде «Абайды білмек парыз ойлы жасқа...» эссе жазу байқауында А.Кеңесхан І орын, А.Телтай ІІ орынға ие болды. «Біртұтас тәрбие» бағдарламасының «Балалар кітапханасы» жобасы аясында ұйымдастырылған «Кітап – баға жетпес құндылық» атты READx жобасында «Креативті оқырман» номинациясына А.Телтай ие болды. 

Республикалық олимпиаданың қалалық кезеңінде 8 сынып оқушысы А.Махмут математика пәнінен пән мұғалімі Г.Тургамбаева 2 орын, А.Омарова физика пәнінен пән мұғалімі Б.Хамитова 2 орын, облыстық олимпиадада 1 орын алды. Облыстық балалар биологиялық орталығы ұйымдастырған «Қызықты биология – 2025» оқушылардың қалалық олимпиадасында А.Кеңесхан І орын алды. Сондай-ақ Абай облысы «Дарын» орталығы ұйымдастырған «Қызыл кітап беттерінен» атты акцияға белсенділік танытып, шығармашылық дарынымен ерекшеленген үшін А.Кеңесхан грамотамен марапатталды. Жалпы білім беретін мектептердің 7-8 сынып оқушыларына арналған Ж.Базенұлы атындағы математика, физика пәні бойынша зияткерлік олимпиаданың облыстық кезеңінде А.Омарова ІІІ дәрежелі дипломмен марапатталып, 5000 т сертификатқа ие болды. «Абай Құнанбайұлының 80 жылдығына» орай өткізілген экологиялық және биологиялық бағытында «Жасанды интелекпен болашаққа көзқарас» атты қалалық ғылыми-практикалық конференциясында А.Кеңесхан мен А.Телтай І орын алды. Қалалық дебат клубына қатысқан А.Кеңесхан, М.Тлеуғабылова, К.Серікжанқызы жүлделі орын алды,

Сыныптан тыс іс-шараларға, спорттық сайыстарға қатысып отырады. Оқушылар  дебат клубы, мектептегі өзін-өзі басқару ұйымының мүшелері. Сынып мектепішілік бақылауда, сыныптың білім сапасы алгебра, геометрия, физика пәндерінен тоқсан сайын 5-10 пайызға артып отырды. 

Оқу үлгерімі мен білім сапасы

Мектеп бойынша оқу озаттарының жалпы саны 128 оқушыны құрайды, бұл барлық оқушылардың 31,4%-ына тең. Екпінділер саны 179 оқушы болып, жалпы оқушылардың 43,9%-ын құрады. Үлгерушілер саны 101 оқушы, яғни 24,7% болды.

Барлық сыныптардың үлгерімі 100%, яғни барлық оқушылар сабақ үлгерімін толық қамтамасыз етіп отыр. Жалпы мектеп бойынша білім сапасы 75% деңгейінде. Орташа балл көрсеткіші 4,26 болып есептелді.

Сыныптар бойынша талдау:

• 2-сыныпта білім сапасы 73%, орташа балл 4,24.

• 3-сыныпта білім сапасы ең жоғары – 82%, орташа балл 4,39.

• 4-сыныпта білім сапасы 77%, орташа балл 4,24.

• 5-сыныпта білім сапасы ең төмен – 68%, орташа балл 4,16.

Қорытынды:

Мектептің жалпы оқу үлгерімі өте жоғары деңгейде – 100%, бұл оқушылардың барлығы оқу бағдарламасын меңгеріп жатқанын көрсетеді. Дегенмен, білім сапасы 68-82% аралығында, бұл көрсеткішті одан әрі арттыру үшін оқу озаттары мен екпінділердің үлесін көбейту қажет. Әсіресе, 5-сыныптағы білім сапасын көтеру бағытында қосымша шаралар қолдану маңызды.

Ұсыныс ретінде оқушылардың пәндік білімін жетілдіру, қосымша сабақтар ұйымдастыру және жеке оқыту тәсілдерін қолдану арқылы білім сапасын жақсартуға болады.

Орташа балл: 1-тоқсанда 4,02 болған орташа балл 2-тоқсанда 4,09-ға көтерілген. Бұл да оқу үлгерімінің артқанын дәлелдейді.

Қиындықтар: 8 және 9 сыныптарда білім сапасы салыстырмалы түрде төмен. Мұнда қосымша қолдау қажет болуы мүмкін.

Жалпы алғанда, 2-тоқсандағы көрсеткіштер жақсарып, оқушылардың білім деңгейі жоғарылаған.