Тренингтің мақсаты – оқушылардың қиялын дамыту, шығармашылық қабілеттерін арттыру, өзін-өзі тануына ықпал ету және өзіне деген сенімділігін қалыптастыру болды.

Іс-шара барысында оқушылар түрлі қызықты жаттығулар мен ойындарға белсене қатысты. Атап айтқанда, «Қиялдағы кейіпкер», «Сиқырлы әлем», «Арман картасы» сияқты тапсырмалар арқылы балалар өз ойларын еркін жеткізіп, шығармашылық қабілеттерін көрсете білді. Сонымен қатар, топтық жұмыстар арқылы бір-бірімен қарым-қатынас жасап, өзара қолдау көрсету дағдыларын дамытты.

Тренинг барысында оқушылардың белсенділігі жоғары деңгейде болды. Әрбір бала өз қиялын еркін жеткізіп, ерекше идеяларымен бөлісті. Бұл олардың өзіндік ойлау қабілетінің дамуына және өзіне деген сенімділігінің артуына оң әсерін тигізді.

Іс-шара соңында кері байланыс жүргізіліп, оқушылар өз әсерлерімен бөлісті. Көпшілігі тренингтің қызықты әрі пайдалы болғанын атап өтті.

Осындай тренингтер оқушылардың тұлғалық дамуына, эмоционалдық тұрақтылығын қалыптастыруға және шығармашылық әлеуетін ашуға үлкен мүмкіндік береді.Педагог-психолог: Садвакасова Д.Г

Аталған бұрышқа оқушылар белсене қатысып, өздерінің жылы лебіздерін, ақ тілектерін түрлі түсті қағаздарға жазып, арнайы тақтаға ілді. Әрбір жазылған сөз шынайылық пен мейірімге толы болды. Оқушылар достарына, ұстаздарына және жалпы мектеп ұжымына арнап жүрекжарды тілектерін білдірді.

Іс-шара барысында мектеп дәлізінде ерекше жылулық пен позитивті атмосфера орнады. Оқушылар бір-бірінің жазған тілектерін оқып, көтеріңкі көңіл-күйге бөленді. Мұндай қарапайым, бірақ мағынасы терең бастама балалардың рухани дамуына, бір-біріне деген жанашырлығын арттыруға үлкен әсер етті.

«Жақсы сөз – жанға қуат» бұрышы оқушылардың тек шығармашылық қабілеттерін ғана емес, сонымен қатар адамгершілік қасиеттерін дамытуға бағытталған маңызды шаралардың бірі болды. Осындай игі іс-шаралар алдағы уақытта да өз жалғасын табады деп сенеміз.

Апталық «Жақсы көңіл күй апталығы» тақырыбымен басталып, түрлі психологиялық акциялар мен шығармашылық жұмыстар өткізілді. Оқушылар арасында «Бүгінгі күннің көңіл күйі» акциясы, мотивациялық сөздер жазылған карточкалар тарату, сондай-ақ «Менің көңіл күйім» атты шығармашылық жұмыстар ұйымдастырылды. Бұл шаралар оқушылардың бір-біріне қолдау көрсетуіне және позитивті ой қалыптастыруына ықпал етті.

Сонымен қатар апталық барысында «Позитивті ойлау күні» ұйымдастырылып, барлық сынып оқушыларына арналған тренингтер мен ойындар өткізілді. «Жақсы сөздер ойыны», «Мен бақыттымын, себебі…» сияқты жаттығулар арқылы оқушылар өз ойларын еркін жеткізіп, эмоцияларын ашық білдіруге мүмкіндік алды.

Аптаның келесі күндері оқушыларға психологиялық қолдау көрсетуге бағытталған тренингтер, ертегі терапиясы, квест ойындары және арт-терапиялық жұмыстар жүргізілді. Ата-аналарға арналған психологиялық қолдау күні де ұйымдастырылып, бала тәрбиесіндегі ата-ананың рөлі мен қолдауының маңыздылығы түсіндірілді.

Апталық қорытындысында жоғары сынып оқушыларына арналған «Қорытынды аттестаттауға сеніммен барайық» тақырыбында тренинг өткізілді. Жалпы, өткізілген іс-шаралар оқушылардың психологиялық саулығын нығайтып, олардың өз-өзіне деген сенімін арттыруға оң әсерін тигізді.