“Болашаққа кітаппен” кітапханалық сабағы

2-апрель – Халықаралық балалар кітабы күніне орай, N16 Төлеубай Аманов атындағы жалпы орта білім беретін мектебінің кітапханасында 8-сынып оқушыларына арналған “Болашаққа кітаппен” атты кітапханалық сабақ өтті. Іс-шараның басты мақсаты – оқушыларға кітаптың адам өміріндегі маңызын түсіндіру және кітап оқуға деген қызығушылығын арттыру. Кітап – білім мен тәрбиенің қайнар көзі, ал оны сүйіп, құрметтеу – әрбір оқушының міндеті. Сабақ барысында оқушыларға әлемдік және қазақ әдебиетінің үздік шығармалары таныстырылып, олардың мазмұны талқыланды. Сондай-ақ, оқушылар өздерінің сүйікті кітаптары туралы ой бөлісіп, әдеби викторинаға қатысты. Библиотекашылар кітапты таза ұстау мен дұрыс пайдалану туралы кеңестер берді. Шара барысында көрме ұйымдастырылып, түрлі жанрдағы шығармалар ұсынылды. Оқушылар жаңа кітаптармен танысып, олардың мазмұнына қызығушылық танытты. Кітапқа деген сүйіспеншілік – білімге деген құштарлықтың бастауы екені тағы бір дәлелденді. Осындай шаралар оқушылардың рухани дамуына оң ықпал етіп, кітап оқуға деген сүйіспеншілігін арттырады.