Бүкіл отбасы үшін пайдалы рацион

Мектебімізде «Бүкіл отбасы үшін пайдалы рацион» тақырыбында 6 «Б» және 5 «В» сыныптарының ата-аналарына арналған танымдық шара өтті. Іс-шараның негізгі мақсаты – ата-аналардың теңдестірілген тамақтану мәдениетін қалыптастырып, балалардың салауатты өмір салтын ұстануына ықпал ету. Жауапты мұғалімдер Байгульжина Жазира Маратовна мен Байгельдина Молдир Толеукадыровна ата-аналарға дұрыс тамақтанудың маңызын түсіндірді. Кездесуде пайдалы және зиянды тағамдардың айырмашылығы, тамақтану рационын құру жолдары туралы ақпарат берілді. Сонымен қатар, ата-аналар балалардың физикалық және психикалық дамуына әсер ететін негізгі қоректік заттар жайлы мағлұмат алды. Мамандар домжағдайында салауатты ас мәзірін дайындау бойынша кеңестер ұсынып, дұрыс тамақтанудың денсаулыққа тигізер пайдасын айтты. Қатысушылар отбасылық дастархан дәстүрінің маңызын талқылап, тәжірибе алмасты. Іс-шара барысында ата-аналар өз сұрақтарын қойып, пайдалы кеңестер алды. Бұл кездесудің нәтижесінде ата-аналар балаларының дұрыс тамақтану әдетін қалыптастырудың маңыздылығын түсінді. Осындай шаралар салауатты ұрпақ тәрбиелеуге үлкен үлес қосады.