«Маңызды кезеңде жаныңда болу: мазасыздық, емтихандар, мамандық таңдау» ата-аналар жиналысы

2025–2026 оқу жылының басында мектепте жалпы ата-аналар жиналысы өтті. Жиналыс «Маңызды кезеңде жаныңда болу: мазасыздық, емтихандар, мамандық таңдау» тақырыбында ұйымдастырылып, мектеп директоры Ахметкаримова А.С. кіріспе сөз сөйлеп, жиналысты ашып берді. Мектептің оқу ісінің меңгерушісі Райстанова П.К. ЕНТ талаптары, таңдау пәндерін дұрыс таңдаудың маңызы және шекті балл жайында ата-аналарға толық ақпарат берді. Сонымен бірге ол өткен оқу жылында жоғары нәтиже көрсеткен түлектердің жетістіктерімен бөлісіп, ата-аналардың алғыстарын жеткізді. Таңдау пәнін таңдауда қателеспеу және мемлекеттік грант бөлінетін бағыттар туралы да нақты түсіндірме жасалды. Мектеп психологы ата-аналарға балаларына психологиялық қолдау көрсетудің маңыздылығын ескертіп, түрлі кеңестер берді. Жиналыстың соңында әр сынып жетекшісі ата-аналарымен жеке кабинетте жиналыс өткізіп, сынып деңгейіндегі мәселелерді талқылады.