6 “В” сыныбында “Heroes” тақырыбында ашық сабақ

Ағылшын тілі пәні бірлестігінің онкүндігі аясында 6 “В” сыныбында “Heroes” тақырыбында ашық сабақ өтті. Сабақты пән мұғалімі Ибрагимова А.А. өткізді. Сабақтың мақсаты – оқушылардың батырлық ұғымы туралы түсінігін кеңейту, өз пікірін ағылшын тілінде еркін жеткізе білуге, тыңдау және сөйлеу дағдыларын дамыту болды.

Сабақ барысында оқушылар түрлі тапсырмалар орындап, өздерінің сүйікті кейіпкерлері мен батыр тұлғалар туралы әңгімелеп, постерлер қорғады. Сонымен қатар, бейнематериалдар арқылы әлемдік және қазақстандық батырлар туралы мағлұматтар алды.

Сабақ жоғары деңгейде ұйымдастырылып, оқушылар белсенділік танытты. Ашық сабақ оқушылардың қызығушылығын арттырып, ағылшын тілін үйренуге деген ынтасын күшейтті.