«Үздік мектеп: озық тәжірибе, нәтижелі жетістік»әдістемелік-тәжірибелік семинар

№16 Төлеубай Аманов атындағы орта мектепте облыстық инновациялық-әдістемелік орталықтың ұйымдастыруымен «Үздік мектеп: озық тәжірибе, нәтижелі жетістік» тақырыбында облыстық әдістемелік-тәжірибелік семинар өтті. Семинар жұмысының аясында «Орта білім беретін үздік ұйым-2024» байқауының жүлдегері №16 жалпы орта білім беретін мектептің шығармашылық ізденістері, озық тәжірибелері таратылды. Семинарды «Абай облысы білім басқармасы» ММ «Облыстық инновациялық-әдістемелік орталығы» КММ директоры А.С. Исабаева алғысөзбен ашты. Мектеп директоры А.У. Сатаева «IMAGE – мектептегі көшбасшылықты жетілдіру» жобасы аясында жүзеге асырылып жатқан жұмыстармен таныстырды. Семинарға қатысушылар мектептің білім беру саласындағы жетістіктерімен ғана емес, сондай-ақ оның тарихи-мәдени құндылықтарымен де танысу мүмкіндігіне ие болды. Осыған орай, келген қонақтар мектеп мұражайын аралап, оның құнды жәдігерлерімен танысты. Мұражайда мектеп тарихы, білім ордасының жетістіктері және танымал түлектер туралы мағлұматтар ұсынылды. Бұл экскурсия қонақтарға мектептің тек білім беру ғана емес, ұлттық құндылықтарды сақтау мен насихаттауда да маңызды рөл атқаратынын көрсетті