"Өзіңді сыйла-өзгеден сый көресің” тақырыбында қыздар отырысы

Өзіңді сыйла-өзгеден сый көресің” тақырыбында қыздар отырысы өтті. Мақсаты: Қыз балаларға өзін-өзі құрметтеу, жеке тұлғалық қасиеттерін бағалау, ішкі мәдениет пен әдептілік нормаларын қалыптастыру арқылы қоғамда өзін дұрыс ұстай білуге тәрбиелеу. Қыздардың бойында сенімділік, жауапкершілік, инабаттылық және өз қадірін білу қасиеттерін дамыту. 

📌 Іс-шара туралы ақпарат:

Бұл қыздар отырысы – қыз балалардың жан дүниесін байытып, олардың тұлғалық дамуына ықпал ететін тәрбиелік мәні зор кездесу. Отырыста қыздарға өзін-өзі сыйлау ұғымының маңызы түсіндіріліп, күнделікті өмірде өзін ұстау әдебі, сөйлеу мәдениеті, сыртқы келбетке мән беру, дұрыс орта таңдау сияқты маңызды мәселелер қарастырылады.

Қатысушылар түрлі тренингтерге, пікірталасқа және жағдаяттық тапсырмаларға қатысып, өз ойларын ортаға салады. Сонымен қатар, қыздарға арналған өмірлік кеңестер беріліп, олардың өз-өзіне деген сенімін арттыруға бағытталған мотивациялық бөлімдер ұйымдастырылады.

Іс-шара соңында қыздар өз ойларын қорытындылап, «Өзін сыйлаған – өмірде өз орнын табады» деген тұжырымға келеді.